Pelastakaa lapset ry ordne
VEAHKAVÁLDDÁLAŠ RADIKALISEREMA EASTADEAPMI JA SÁGASTALLAN POLÁRISEREJUVVON BIRRASIS
skuvlejupmi ja bargobádji buot nuoraidbargiide Lappi guovllus
Bures boahtin skuvlejupmái ja bargobádjái: Veahkaválddálaš radikaliserema ja ekstremismma eastadeapmi nuoraidbarggus ja bajásráhkadeaddji ságastallan poláriseren fáttáin.
Dáhpáhus odnejuvvo neahttas Teams-oktavuođain 12.3.2024 dii 9.00–15.00,
Dii 9.00–12.00 Skuvlejupmi: veahkaválddálaš radikaliserema ja ekstremismma eastadeapmi nuoraidbarggus
Bargiin geat barget nuoraiguin lea erenomaš buorre vejolašvuohta ekstremismma eastadeapmái ja dasa darváneapmái. Skuvlejumi ulbmilin lea doarjut áššedovdiid, guhte barget nuoraiguin, máhtu ja addit bargovugiid dovdat fenomena, ja darvánit dasa erenomažit dakkár dilálašvuođain, gos badjána fuolla nuora buresveaddjimis. Skuvlejumis giehtadallat eareteará čuovvovaš gažaldagaid:
- Maid oaivvilda radikaliserejupmi dahje ravdajurddašeapmi?
- Man láhkai dat oidno Suomas?
- Mo dan sáhttá áiccat ja man láhkai dasa darvánit?
- Man láhkai nuoraidbargu sáhttá eastadit radikaliserejumi ja ekstremismma?
Dii 12.00–13.00 Borranboddu
Dii 13.00–15.00 Bargobádji: Man láhkai hállat polariseaddji fáttáin bajásráhkadeaddji vugiiguin
Bargobájis ságastallat polarisašuvnnas ja dan doaibmanvugiin sihke servodatlaš dásis, ja olbmuid gaskkasaš oktavuođain.
Bargobájis giehtadallat ee. čuovvovaš gažaldagaid:
- Mas polarisašuvdna riegáda ja mii biepmá vuostálašvuođaid?
- Manin dihto fáttát riegádahttet fámolaš dovdduid ja manin dain lea nu váttis ságastallat?
- Man láhkai vuostálašvuođaid sáhttá burgit ja man láhkai ságastallat polarisašuvnnalaš áššiin nuoraiguin?
Skuvlejupmi ordnejuvvo oassin Pelastakaa lapset ry ekstremismma eastadeami fitnuid. Resilienssi- ja Radicalweb -fitnuid ulbmilin lea eastadit veahkaváldálaš radikaliserema ja ekstremismma skuvlemin áššedovdiid, ja báikkálaččat nannemiin nuoraid oassálasvuođa.
Sáhtat oassálastit dilálašvuhtii Teams-liŋkkas (ii dárbbaš sierra almmuhit)
Lassedieđut
Mari Syväjärvi
Lappi guovllu rabas nuoraidbarggu kordináhtor
mari.syvajarvi@enontekio.fi, tlf. 040 768 7778